حكومەتی ئەڵمانیا ئەركی هێزەكانی لە عێراق وهەرێم بۆ ساڵێكی دیكەش درێژ كردەوە و 500 سەربازی دیكە دەنێرێتە عێراق.
ئاژانسی فەرمیی ئەڵمانیا بڵاویانكردووەتەوە، لێپرسراوانی باڵای حكومەت بە ھەماھەنگی لەگەڵ پەرلەمانی ئەڵمانیا سەرقاڵی لێكۆڵینەوە و بەدواداچوونن بە مەبەستی درێژكردنەوەی ئەركی ھێزەكانی لە عێراق بۆ ساڵێكی دیكە لەگەڵ رەوانەكردنی 500 سەربازی دیكەش بۆ عێراق بە مەبەستی بەشداریكردن لە ئۆپەراسیۆنەكانی هاوپەیمانیی نێودەوڵەتی و زیاتر هاوكاریكردنی سوپا و ھێزە ئەمنییەكانی عێراق.
ئاماژە بۆ ئەوەش كراوە، پرسی درێژكردنەوەی ئەركی ھێزەكانی ئەڵمانیا لە عێراق تارادەیەكی زۆر یەكلاییبووەتەوە كە درێژ دەكرێتەوە،بۆ ئەوەش دەبێت حكومەت و پەرلەمانی ئەڵمانیا بە وردی بەدواداچوون لەو بارەیەوە بكەن.
