بەهۆی دەرچوون لە شەقام و وەرگەڕانی ئۆتۆمبێلەكەیەوە شۆفێری بارهەڵگرێك لە رێگایەكی سەرەكیی هەولێر گیانیلەدەستدا.
فازڵ حاجی، وتەبێژی هاتوچۆی هەولێر رایگەیاند، كاتژمێر 3:30 خولەکی پاش نیوەڕۆی ئەمڕۆ لەسەر رێگای سەرەکیی شەقلاوە-باسرمە-سپیلک، لە نزیک گوندی گولەک، بارهەڵگرێک لە دوای دەرچوونی لە شەقام، کەوتە ناو هەڵدێرێک و وەرگەڕا.
لە دەرئەنجامی رووداوەکەدا شۆفێری بارهەڵگرەکە گیانیلەدەستدا، وەك ئەوەی فازڵ حاجی ئاماژەی پێدا و وتی، زیانێکی زۆری ماددیش کەوتەوە.
