سەرۆك وەزیرانی عێراق رایدەگەیەنێت، حكومەت ناتوانێت یاسا پێشێل بكات بۆیە قەرز بە هەرێمی كوردستان دەدات و لەبارەی كەركوكەوە، دەڵێت،”هەڵبژاردنی ئەنجومەنی پارێزگاكان لە كەركوك ئەنجامدەدرێت”.
محەمەد شیاع سودانی سەرۆك وەزیرانی عێراق، لە دیدارێكی تەلەفزیۆنیدا رایگەیاند، یاسای بودجەمان هەیە وماددەی 12 و ئەو ماددانەی تایبەتن بە هەرێمی كوردستانو شتێك نییە بە ناوی پارەداركردن یاخود مووچەی فەرمانبەرانی هەرێم، تەنها پشكی هەرێمی كوردستان هەیە كە 12.67% دیاریكراوە و كۆی گشتیی خەرجییەكانی لێدەبڕدرێت بۆی رەوانەدەكرێت
ئاماژەی بۆ ئەوەش كرد، حكومەت ناتوانێت یاسا پێشێل بكات بۆیە قەرز دەداتە هەرێمی كوردستان و ئێمەپابەندن بە جێبەجێكردنی یاسای بودجە، بەڵام لە كاتی جێبەجێكردنی ئەو بڕگانەی تایبەتن بە هەرێم رووبەڕووی ئاستەنگی دەبینەوە، وتيشی مووچە شایستەیەكی ئەخلاقی و نیشتمانیی هاوڵاتییانە و حكومەتيش ناتوانێت یاسا پێشێل بكات، هەر بۆیە ئەنجومەنی وەزیرانی دەسەڵاتی خۆی بەكارهێنا و بڕیاریدا قەرز بە هەرێم بدات.
لە بارەی دۆخی كەركوكەوە، سەرۆك وەزیرانی عێراق راشیگەیاند، هەڵبژاردنی ئەنجومەنی پارێزگاكان لە كەركوك ئەنجامدەدرێت و كێشەی كەركوك سیاسییە نەك ئەمنی و هەڵبژاردنی ئەنجومەنی پارێزگاكان كێشەی كەركوك چارەسەردەكات.
