ئەمڕۆ 22 ساڵ بەسەر هێرشەكانی سەر ئەمریکا لە 11ی سێپتەمبەردا تێدەپەڕێت کە بەهۆیەوە دوو هەزار و 753 کەس گیانیان لەدەستداوە، تا ئێستاش ناسنامەی بەشێکیان دیارنییە.
دەسەڵاتدارانی ئەمریکا بڵاویانکردەوە، لەدوای 22 ساڵ لە هێرشەکانی 11 ی سێبپتەمبەر لەسەر داوای کەسوکارەکانیان لە رێگەی تەکنیکێکی پێشکەوتووی پشکنینی ترشی ناوەکی توانیویانە ناسنامەی دوو قوربانیی هێرشەکان دیاری بکەن، کە ژنێک و پیاوێکن.
بە ئاشکراکردنی ناسنامەی ئەو دوو قوربانییە، ژمارەی ئەو قوربانیانەی ناسنامەکانیان ئاشکراکراوە گەیشتووەتە هەزار و 649 قوربانی و هێشتا ناسنامەی هەزار و 104 کەسی دیکە ئاشکرانەکراون.
