سەرچاوەیەکی ئەمنی لە سەلاحەدین رایگەیاند، ئەمڕۆ یەکێک لە کاندیدەکان بۆ هەڵبژاردنە ناوخۆییەکانی عێراق لە هەوڵی کوشتن لە پارێزگاکە رزگاری بووە.
بەپێی میدیا عێراقییەکان، کاندیدی هەڵبژاردنە ناوخۆییەکان بۆ پارتی تەقەدوم، سەعد عوبەید عەلی، لە گوندی (جەمیلە) لەلایەن کەسانی نەناسراوەوە هێرش کراوەتەسەری و تەقە لە ئۆتۆمبێلەکەی کراوە.
ئاماژە بەوەشکراوە، ئەو کاندیدە لە هێرشەکە رزگاری بووە و هێرشەکە زیانی ماددی لێکەوتووەتەوە بەبێ ئەوەی هیچ بریندارێکی هەبێت.
