بانگەشەی هەڵبژاردن دەستیپێکرد

کەمێک لەمەوبەر، بەشێوەیەکی رەسمی بانگەشەی حزب، لایەنە سیاسییەکان و کاندیدەکان بۆ هەڵبژاردنی ئەنجومەنی نوێنەرانی عێراق دەستیپێکرد.

بەپێی ئامارەکانی کۆمسیۆنی باڵای سەربەخۆی هەڵبژاردنەکانی عێراق، له‌ سەرتاسەری عێراق 21 ملیۆن و 404 هەزار و 291 ده‌نگده‌ر، مافی دەنگدانیان هه‌یه‌؛ لەو ژمارەیە 20 ملیۆن و 63 هەزار و 773 كه‌سیان دەنگدەری گشتین و ملیۆنێک و 313 هەزار و 980ـیشیان، به‌شداریی دەنگدانی تایبەت ده‌كه‌ن.

له‌م هه‌ڵبژاردنه‌دا، 38 پارتی سیاسی، 31 هاوپه‌یمانی، 75 لیستی تاكه‌كه‌سی به‌شداری ده‌كه‌ن و حەوت هەزار و 768 كه‌سیش له‌ هه‌ردوو ره‌گه‌ز، خۆیان كاندیدكردووه‌.