ئەندامێكی ئەنجومەنی نوێنەرانی عێراق رایدەگەیەنێت، بەپێی بەدواداچوونەكانمان تا ئێستا هەرێم و بەغداد لەبارەی دەستبەكاربوونی لیوای 20 نەگەیشتوونەتە رێككەوتنی كۆتایی و بڕیارە سەرەتای هەفتەی داهاتوو كۆبوونەوەی دیكە لەو بارەیەوە ئەنجامبدرێت.
غەریب ئەحمەد ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، سەبارەت بە دەستبەكاربوونی لیوا هاوبەشەكە كە بە لیوای 20 ناوی دەبرێت تا ئێستا وەزارەتی پێشمەرگە و وەزارەتی بەرگریی عێراق نەگەیشتوونەتە رێككەوتنی كۆتایی.
ئاماژەی بۆ ئەوەش كرد، بەغداد داوای گۆڕینی چەند ئەفسەرێكی ئەو لیوایەی كردووە لە هەمانكاتدا چەند گرفتێكی كارگێڕیی دیكە هەیە و بڕیارە كۆبوونەوەی دیكە ئەنجامبدرێت.
