سەرۆكی نوێی شەش زانكۆی هەرێم دەستبەكاربوون

بە فەرمانی وەزارەتی خوێندنی باڵا دەستبەكاربوون بۆ شەش سەرۆكی نوێی زانكۆ و دامەزراوە زانستییەكانی هەرێم دەرچوو.

وەزارەتی خوێندنی باڵا و توێژینەوەی زانستی فەرمانی وەزاری دەستبەكاربوونی بۆ هەریەك لە (د. داود سلێمان ئەتروشى) وەک سەرۆکى زانکۆى دهۆک و (د. نورالدین اسماعیل اللە قولى) وەک سەرۆکى زانکۆى هەولێری پزیشکى و (د. ئارى عادل عبدالقادر) وەک سەرۆکى زانکۆى پۆلیتەکنیکى دهۆک و (د. ئاریانا خالص جواد) وەک سەرۆکى ئەنجومەنى کوردستان بۆ پسپۆرییە پزیشکییەکان و (د. ناظم سلێمان عبدالعزیز) وەک سەرۆکى زانکۆى زاخۆ و (د. شێروان شریف قرطاس) وەک سەرۆکى زانکۆى سۆران دەركرد.

ئارام قادر، وەزیری خوێندنی باڵا لە پەیامێكدا بەو بۆنەیەوە دەڵێت، “هیوادارم لەڕێگەى ئەم گۆڕانکارییانەوە بتوانین دەرفەتى شایستەتر بۆ ڕیفۆرم و گۆڕانکارى گونجاو فەراهەم بکەین و قۆناغ بە قۆناغ  ئەو ئەرک و ئامانجانەى کە لە کارنامەى کابینەى نۆیەمدا پێمان سپێردراوە بەوپەرى شەفافیەت و دادپەروەرییەوە جێبەجێیان بکەین”.

هاوكات سوپای سەرۆك زانكۆكانی پێشووی كرد كە تائێستا لە ئەرکى سەرۆکایەتى زانکۆدا بوون.

بابەتی پێشتر

بافڵ تاڵەبانی: چیتر دەستەگەری و کارکردن لەپێناو بەرژەوەندیی شەخسی قبوڵ ناکەین

بابەتی دواتر

هەڵمەتێكی نەمام چاندن و جوانكاری بۆ سلێمانی ئەنجامدەدرێت

بابەتی پەیوەندیدار