بەهۆی وەرگەڕانی ئۆتۆمبێلێکی واز لە نزیک ناوچەی پیشەسازی کەلار سێ کەس برینداربوون.
بەڕێوەبەرایەتیی هاتوچۆی گەرمیان بڵاویکردەوە، “لە پشتەوەی ناوچەی پیشەسازی قەزای کەلار ئۆتۆمبێلێکی جۆری جێب واز بە ئاڕاستەی رێگای پشتێنەی کەلار-گردەگۆزینە رۆیشتووە، لە نزیک مزگەوتی فیردەوس وەگەڕاوە، بەهۆیەوە شۆفێر و دوو سەرنشینی برینداربوون”.
ئاماژەی بەوەشکرد، “هەرسێ بریندارەکە گواسترانەوە بۆ نەخۆشخانەی فریاکەوتنی شەهید هەژار لە کەلار و لێکۆڵنەوە لە رووداوەکە دەستی پێکردووە”.
