جێگری بەڕێوەبەری پەروەردەی سلێمانی رایگەیاند، تا ئێستا هیچ بڕیارێک لەبارەی بە گرێبەستکردنی مامۆستایانی وانەبێژ نییە.
عومەر محەمەد جێگری بەڕێوەبەری پەروەردەی سلێمانی بە تۆڕی میدیایی ئێستای راگەیاند، “دوێنێ نووسراوێک لە بەشێک لە راگەیاندنەکان بڵاوکرایەوە و باس لەوەکرا کە وەزارەتی پەروەردە و وەزارەتی دارایی پێشنیاریانکردووە کە مامۆستایانی وانەبێژ بکرێنە گرێبەست، لە راستیدا تا ئێستا هیچ بڕیارێک بەدەست ئێمە نەگەیشتووە”.
ئاماژەی بەوەشکرد، “بۆ ساڵی داهاتووی خوێندن تا ئێستا هیچ بڕیارێکی نوێ نەهاتووە تایبەت بە مامۆستایانی وانەبێژ”.
