ئەنجومەنی وەزیرانی هەرێمی کوردستان لە کۆبووەنەوەدایە و تاوتوێی پرسەکانی بودجە و بەنزین و کارەبا دەکات.
فەرمانگەی میدیا و زانیاریی هەرێمی کوردستان بڵاویکردەوە، “ئەنجومەنی وەزیرانی هەرێم دواپێشهاتەکانی جێبەجێکردنی یاسای بودجەی عێراق و دابینکردنی شایستە داراییەکانی هەرێمی کوردستان و رێڕەوی دانوستانەکانی نێوان هەولێر و بەغداد تاوتوێ دەکات”.
بەپێی فەرمانگەی میدیا و زانیاری، ئەنجومەنی وەزیران لە بەشێکی دیکەی کۆبوونەوەکەیدا “بارودۆخی کارەبا و بەنزین لە هەرێمی کوردستان تاوتوێ دەکات”.
هەر لە کۆبوونەوەکەدا،”پڕۆژەکانی پێدانی پارە بە شێوەی ئەلیکترۆنی و خەرجکردنی مووچە لە رێگەی هەژماری بانکییەوە گفتوگۆیان لەسەر دەکرێت”.
