بەپێی بانگهێشتنامەیەك كە وێنەیەكی بۆ تۆڕی میدیایی ئێستا نێردراوە تێیدا هاتووە، بۆ سەرجەم رۆژنامەنووسان و میدیاكان لەسەر ناوی 150 دەزگای میدیایی و رۆژنامەنووس بانگهێشتكراون، كۆنگرەیەكی رۆژنامەوانی لە كاتژمێر 11ی پێشنیوەڕۆ لە ماڵی سندی شاری سلێمانی لە دژی ئەو ستەم و پێشلكارییەی دەسەڵات بەڕێوەدەچێت كە بەناوی یاساوە بەرامبەر شێروان شێروانی ئەنجامدراوە.
هاوكات لە بانگهێشتنامەیەكی دیكەدا هاتووە، “بەرگرییكردن لە شێروان شێروانی و هاوڕێكانی بەرگرییە لە سبەینێیەكی ئازادتر دژ بەو زوڵم و ناحەقییەی بەرامبەر رۆژنامەنووس شێروان شێروانی ئەنجامدراوە و سبەی كاتژمێر 6ی ئێوارە لەبەردەم باخی گشتی لە سلێمانی خۆپیشاندان ئەنجامدەدرێـت.
