بڕیاره ئهمڕۆ پهرلهمانى كوردستان كۆببێتەوە، بهپێی كارنامهكهى كۆبوونهوهكه، بهدواداچوون بۆ خۆپیشاندانى خوێندكاران دهكات.
لە كارنامهى كۆبوونهوهكەی ئەمڕۆی پەرلەمانی كوردستاندا، كه لهسێ خاڵ پێكهاتووه، له یهكێك له تهوهرهكاندا هاتووه، بەدواداچوونی لیژنەی ناوخۆ و ئاسایش و هەروەها لیژنەی پەروەردە و خوێندنی باڵا سەبارەت بە خۆپیشاندانی خوێندكاران دهخرێتهڕوو.
بڕیارە دانیشتنەكەی پەرلەمانی كوردستان كاتژمێر 11:00ی پێشنیوەڕۆ دەستپێبكات و تەوەرەكانی بریتی دەبن لە:
یەكەم: دەنگدان لەسەر پڕۆژەیاسای (كۆمپانیا ئەمنییە تایبەتەكان لە هەرێمی كوردستان-عێراق)، بهپێی حوكمی ماددهكانی (90، 91، 93، 96، 97) له پهیڕهوی ناوخۆی پهرلهمانی كوردستان.
دووەم: خستنەڕووی بەدواداچوونی هەردوو لیژنەی (ناوخۆ و ئاسایش و ئەنجوومەنه خۆجێیەكان) و لیژنەی (پەروەردە و خوێندنی باڵا و توێژینەوەی زانستی)، سەبارەت بە خۆپیشاندانی خوێندكاران.
سێیەم: خوێندنهوهی دووهم بۆ پڕِۆژەیاسای (سەرپەرشتیكردنی پڕۆژەكانی كشتوكاڵی لە هەرێمی كوردستان)، بهپێی حوكمی ماددهكانی (87، 88، 89) له پهیڕهوی ناوخۆی پهرلهمانی كوردستان.
