پەیوەندیی نێوان یانەی پاریس سان جێرمان و کیلیان مباپێ گەیشتە ئاستێک، کە گەڕانەوە تێیدا مەحاڵە.
دوای ئەوەی مباپێ مکوڕبوونی خۆی لەسەر هەڵوێستەکانی نیشاندا، بە بڕیاری ئیدارەی یانە ناوی لە لیستی یاریزانانی پاریس سان جێرمان بۆ گەشتی هاوینەی کۆریا و ژاپۆن دوورخرایەوە و خرایە لیستی فرۆشتنەوە.
مارکا لەزاری “مۆنتی کارلۆ”وە نووسیویەتی، بەڕێوەبەرانی پاریس سان جێرمان دڵنیان لەوەی لەگەڵ یانەیەکی دیکەدا ڕێککەوتنی کردووە، بۆیە بەفەرمی خستوویانەتە لیستی فرۆشتنەوە.
ڕیاڵ مەدرید بەم هەنگاوەی پاریس سەرسامبووە و چاوەروانی پێشهاتەکانە، لە بەرامبەردا یانەکانی سعوودیە جموجۆڵیان بۆ گواستنەوەی دەستپێکردووە و ئامادەییان دەربڕیوە تەواوی خواست و داواکارییەکانی بۆ جێبەجێبکەن.
