چاڤی هێرناندێزی ڕاهێنەری یانەی بەرشلۆنە مکوڕە لەسەر پڕکردنەوەی کەلێنەکانی هێڵی ناوەند، بۆ ئەو مەبەستەش داوای کڕینی یاریزانێکی کردووە و بە باشترین جێگرەوە بۆ گرێبەستی بێرناردۆ سیلڤا لە قەلەمیداوە.
ڕۆژنامەی “موندۆ دیپۆرتیڤۆ” نووسیویەتی، ئیدارەی بەرشلۆنە و چاڤی بێهیوابوون لە گواستنەوەی بێرناردۆ سیلڤا، چونکە چەندین یانەی دەوڵەمەند بە گرێبەستی خەیاڵییەوە هاتوونەتە نێو هاوکێشەکەوە.
لەو بارەیەوە چاڤی ئیدارەی بارسای ئاگادارکردووەتەوە، کە جێگرەوەی سیلڤا لە خولی ئیسپانیا ئامادەیە و ئەویش جیۆڤانی لو سێلسۆی ئەرجەنتینییە.
لو سێلسۆ یاریزانی یانەی تۆتنهامە و بە خواستن لە یانەی ڤیاڕیاڵ یاریدەکات، تێچووی گواستنەوەی تەنها 25 ملیۆن یورۆیە، دەکرێت لە ڕێگەی ئاڵوگۆڕکردنەوە بەرامبەر بە کلیمۆنت لۆنگلێت نرخەکەی کەمتریش بکرێتەوە.
