لەلایەن هێزەكانی ئاسایشی هەولێرەوە لە دوو هەڵمەتدا دەست بەسەر خەنە و بۆیاخی بەسەرچوودا گیرا.
بەڕێوەبەرایەتیی گشتیی ئاسایشی هەولێر رایگەیاند، لەلایەن تیمەكانی سەر بە ئاسایشی هەولێر توانرا دەستبگیرێت بەسەر دوو کۆگای کەلوپەلی ماوەبەسەرچوودا.
لە كۆگای یەكەم لە گەڕەکی (159ی گوڵان) دەست بەسەر 38 فەردە خەنەی ماوەبەسەرچووداگیرا، وەك ئەوەی ئاسایشی هەولێر ئاماژەی پێدا.
ئەوەشی خستەڕوو، لە ناحیەی کەسنەزان لە کۆگایەکی بۆیاخ لە براندێکی بەناوبانگ 109 جلیکان بۆیاخ و 297 کارتۆن بۆیاخی ماوەبەسەرچوو دەستی بەسەرداگیرا.
ئاسایشی هەولێر راشیگەیاند، رێکاری یاسایی بەرامبەریان گیرایەبەر بۆ لەناوبردنیان.
