لەتیف نێروەیی ئەندامی ئەنجومەنی سەركردایەتیی یەكێتیی نیشتمانیی كوردستان لە لێدوانێكدا بە تۆڕی میدیایی ئێستای راگەیاند، لە پێناو بەرژەوەندیی گشتی و ناوچە دابڕێندراوەكان هەموو كات سەرۆك بافڵ داوای دانوستانی كردووە، لەگەڵ ئەوەشدا یەكێتی دەیەوێت كورد یەكڕیزبێت لە ناوچە دابڕێندراوەكان و زۆرینەی دەنگەكان بەدەستبهێنێت”.
وتیشی، “بۆتە نەریت هەر كاتێك كۆبوونەوەی یەكێتی و پارتی دەكرێت كەسێك دەردەكەوێت و قسەدەكات و ئاراستەی كۆبوونەوەكان تێكدەدات ئەوەش بۆ ئەوەیە كە دەیانەوێت یەكێتی و پارتی رێكنەكەون”.
ئاشكراشیكرد، ئەو قسانەی دەكرێت هەوڵدانە بۆ چەواشەكاری و سالار عوسمان كە قسەی كردووە لە بەرنامەیەكی تایبەتدا بووە نەك لێدوانێك و ئەوەش دەرخەری ئەوەیە بەشێكی پارتی نایانەوێت لەگەڵ یەكێتی رێكبكەون”.
