کۆمسیۆنی باڵای سەربەخۆی هەڵبژاردنەکان دەستپێکردنی وەرگرتنی داواکاری بۆ تۆمارکردنی ئەو هاوپەیمانییانەی کە ئارەزووی بەشداریکردنیان لە هەڵبژاردنی پارێزگاکاندا هەیە راگەیاند، بەپێی ئەو مەرجانەی پێشتر دانرابوون.
زیاتر لە 269 لایەنی عێراقی بەشداری هەڵبژاردنە ناوخۆییەکانی عێراق دەکەن، کە بڕیارە لە مانگی کانوونی دووەمی داهاتوو ئەنجام بدرێت، بۆ هەڵبژاردنی ئەنجوومەنی پارێزگاکان.
کۆمسیۆنی باڵای سەربەخۆی هەڵبژاردنەکان سەبارەت بە دەستپێکردنی وەرگرتنی داواکاری بۆ تۆمارکردنی ئەو هاوپەیمانییانەی کە ئارەزووی بەشداریکردنیان لە هەڵبژاردنی ئەنجومەنی پارێزگاکاندا هەیە بەو مەرجانەی دیاریکراوە لەلایەن کاندیدەوە لیستی پێشکەشکردنی لیستێک کە لە پێنج سەد لایەنگر کەمتر نەبێت.
کۆمسیۆن ئاماژەی بەوەدا کە ئەو بڕە پارە داراییانەی کە پێویستن بۆ بەشداریکردنی هاوپەیمانییەکە بڕی دە ملیۆن دینارە، لەکاتێکدا بۆ حزب پێنج ملیۆن دینار دەبێت، بۆ کاندیدیش یەک ملیۆن دینار.
ئەمەش هاوکاتە لەگەڵ دەستپێکردنی هەنگاوی کۆمیسیۆندا بۆ بەدەستهێنانی ئەو لیستانەی کە ناوی ئەو کەسانە لەخۆدەگرێت کە لەنێو سەرۆکی حزبەکان و ئەندامانی دەستە دامەزرێنەرەکاندا هاتووە، بەمەبەستی ئاگادارکردنەوەیان لە پڕکردنەوەی فۆڕمی ئاشکراکردنی دارایی.
