ئاژانسی نێودەوڵەتیی بۆ توێژینەوە لە شێرپەنجە، ماددەی ئەسپارتام کە لە زۆرینەی شیرینی و شەکری دەستکرددا هەن، لە ریزبەندیی ماددە شێرپەنجەییە مەترسیدارەکاندا دانا.
ئاژانسی رۆیتەرز لە زاری سەرچاوەی ئاژانسی توێژینەوەی شێرپەنجەوە بڵاویکردووەتەوە، بۆ یەکەمجارە ئاژانسەکە کە سەربە تەندروستیی جیهانییە ماددەی ئەسپەرتامی وەک ماددەیەکی شێرپەنجەیی ناساند.
ئاماژە بەوەدەکات، دوای کۆبوونەوەی شارەزایانی بواری شێرپەنجە و ماددە شێرپەنجەییەکان دەرکەوت ماددەی ئەسپارتام کە لە پیشەسازیی شەکری دەستکرددا بەڕێژەیەکی بەربڵاو بەکاردەهێنرێت مەترسیدارە و هۆکاری تووشبوونە بە شێرپەنجە.
ئەسپارتام ماددەیەکی شیرینی دەستکردە، لە زۆرینەی دروستکردن و بەرهەمهێنانی خۆراک و شیرینییەکاندا بەرهەمدەهێنرێت، ماددەی ئەسپارتام زیاتر لە 200 هێندەی شەکری ئاسایی مەترسیدارە.
ئاژانسی نێودەوڵەتیی توێژینەوە لە شێرپەنجە ماددەکەی لە ریزبەندیی ماددە شێرپەنجەییەکان دانەوە، کە ئاژانسێکی دانپێدانراوی جیهانییە و سەربە رێکخراوی تەندروستیی جیهانییە.
