نیوەڕۆی ئەمڕۆ بەهۆی پێکدادانی دوو ئۆتۆمبێلەوە لەناو قەزای کەلاردا، حەوت کەس برینداربوون کە سیانیان منداڵن.
بەڕێوەبەرایەتیی گشتیی هاتوچۆی گەرمیان بڵاویکردەوە، رووداوەکە لەسەر رێگای پشتێنەیی شاری کەلار بووە و دوو ئۆتۆمبێلی جۆری شۆفرلێت ئۆپترا و نیسان ناڤارا پێکیاندادا، بەهۆیەوە حەوت کەس برینداربوون و گواستراونەتەوە نەخۆشخانە.
بریندارەکان پێنج سەرنشینی شۆفرلێتەکە و هەردوو شۆفێرەکەن، سیانیان منداڵ و دووانیان ژن بوون.
