سەرۆكایەتیی هەرێمی كوردستان ئیدانەی سووتاندنی كۆپیەكی قورئانی پیرۆز دەكات و دەشڵێت، ئەو كارە دەبێتە هۆی پەرەسەندنی ڕق و كینە و هەڕەشە لە پێكەوەژیان و ئاشتەوایی دەكات.
بەپێی راگەیەندراوێكی سەرۆكایەتیی هەرێمی كوردستان كە وێنەیەكی دەست تۆڕی میدیایی ئێستا كەوتووە و تێیدا هاتووە، سەركۆنەی سووتاندنی قورئانی پیرۆزدەكەین و كارێكی تەواو ناڕەوایە و دەبێتە هۆی پەرەسەندنی ڕق و كینە و هەڕەشە لە پێكەوەژیان و ئاشتەوایی دەكات.
لە راگەیەندراوەكەدا هاتووە، دەبێت ڕێز لە بیروباوەڕ و هەستی ئایینی و پیرۆزییەكانی هەموو ئایین و ئایینزاكان بگیرێن و رێگە نەدرێت لەلایەن هیچ كەس و لایەنێكەوە ئازادی بقۆزرێتەوە بۆ بێڕێزیكردن بە پیرۆزییەكانی ئایین.
