لە سنووری ناحیەی هەریری سەربە پارێزگای هەولێر ئەفسەرێکی وەزارەتی پێشمەرگە، بەهۆی پێوەدانی مار گیانیلەدەستدا.
محەمەد ئامۆکەیی، بەرپرسی ڕاگەیاندنی بەڕێوەبەرایەتیی تەندروستی شەقڵاوە، بە تۆڕی میدیایی ئێستای ووت، “کەمێک لەمەوبەر کەسێک گەیەندرایە بەشی فریاکەوتنی نەخۆشخانەی هەریر، دیاربوو ڕووداوەکە، بەهۆی پێوەدانی مار بوو، بۆیە دەستبەجێ تیمی تەندروستی چارەسەری پێویستیان بۆ ئەنجامدا”.
ئاماژەی بەوەشكرد، “بەڵام بەهۆی زۆری ژەهری مارەكە لە کاتی ڕەوانەکردنی بۆ نەخۆشخانەی شەقڵاوە ئەفسەرەكە گیانیلەدەستدا”.
باسی لەوەشكرد، “ئەفسەرەکە ناوی ڕۆستەم سۆفی-یە و پلەی موقەدەمە لە فەرماندەیی سپیلکی سەر بەوەزارەتی پێشمەرگە، خێزاندارە و دانیشتوی ناحیەی هەریرە”.
هەروەها لە ئێستادا تەرمەکەی ڕەوانەی پزیشکی دادی هەولێر کراوە.
