وتەبێژی وەزارەتی دەرەوەی عێراق رایدەگەیەنێت، بانگهێشتی باڵیۆزی سوید لە عێراق كراوە بۆ پێدانی ناڕەزایی توندی عێراق بەرامبەر بە سووتاندنی قورئانی پیرۆز.
لەو بارەیەوە ئەحمەد سەحاف، وتەبێژی وەزارەتی دەرەوەی عێراق ئەمشەو بەیاننامەیەكی بڵاوكردەوە و رایگەیاند، وەزارەتی دەرەوەی عێراق بانگهێشتی باڵیۆزی سویدی لە عێراق كردووە و لە ناڕەزایەتیی توندی عێراق بەرامبەر بە رێگەدان بە توندڕەوەكان بۆ سووتاندنی كۆپییەكی قورئانی پیرۆز لە ستۆكهۆڵمی پایتەختی ئەو وڵاتە ئاگاداریكردووە .
ئاماژەی بەوەشكرد، وەزارەتەكەی داوا لە حكومەتی سوید كردووە بۆ گرتنەبەری رێوشوێنی پێویست بۆ وەستاندنی دووبارەبوونەوەی حاڵەتی لەو شێوەیە.
