لۆتەر ماتیۆس، ئەفسانەی ئەڵمانیا پێشبینی دەکات پێنج یاریزانی بایرن میونشن یانەکە بەجێبهێڵن.
ماتیۆس لە ستوونێکدا کە بۆ تۆڕی “سکای سپۆرتس”ی نووسیوە، دەڵێت، “ڕاستە بایرن پێکهاتەکەی بە یاریزانی نوێ و داواکراو لەلایەن تۆماس توخێل نوێ دەکاتەوە، بەڵام لە بەرامبەردا پێنج بۆ شەش یاریزان لە پێکهاتەی وەرزی داهاتووی بایرندا بوونیان نابێت و دەڕۆن.”
بە بۆچوونی ئەفسانەکەی ئەڵمانیا، هەریەک لە یان سۆمێر و ئەلیکساندەر نۆبڵی گۆڵپارێزان، ڕیان گراڤنبێرخ، مارسێل ساپیتزەر و سادیۆ مانێ پەیوەندی بە یانەی دیکەوە دەکەن.
ماتیۆس ئاماژەی بەوەشکردووە، کە سادیۆ مانێ گرێبەستێکی گەورەی بایرن بووە، بەڵام بەهۆی نەگونجانی لە ئەڵمانیا زیانی بە خۆی و یانە باڤارییەکە گەیاندووە.
