بەڕێوەبەرایەتیی هاتوچۆی گەرمیان رایدەگەیەنێت، لەسەر ڕێگای كەلار- كفری بەهۆی وەرگەڕانی ئۆتۆمبێلێكی جۆری تۆیۆتا كرۆلا سێ كەس گیانیان لەدەست داو كەسێكی دیكەش برینداربوو.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، كەمێك پێش ئێستا بەهۆی وەرگەڕانی ئۆتۆمبێلێكی جۆری تۆیۆتا كرۆلا لەسەر رێگای كەلار – كفری لە نزیك گوندی “عەوڵاقوت” كە ئۆتۆمبێلەكە بە ئاراستەی كەلار هاتووە سێ كەس گیانیان لەدەستدا و كەسێكی دیكەش برینداربوو.
لە راگەیەندراوەكەدا هاتووە، ئەو كەسانەی گیانیان لەدەستداوە دوو پیاو ژنێكن و بریندارەكە دوای وەرگرتنی چارەسەر لە نەخۆشخانەی فریاكەوتنی شەهید هەژار لە كەلار، بەهۆی سەختی برینەكەیەوە ڕەوانەی نەخۆشخانەی سلێمانی كرا، لێكۆڵینەوە لە رووداوەكە لەلایەن تیمی هاتوچۆوە بەردەوامە بە مەبەستی زانینی هۆكار و چۆنیەتی رووداوەكە.
