جێگری سەرۆك وەزیرانی هەرێم بە ئامادەبوونی وەزیری كشتوكاڵ لەگەڵ كونسوڵی گشتیی ئیمارات كۆبووەوە و رایدەگەیەنێت، یەكێك لە پێشینەی كارەكانمان بەرەوپێشبردنی كەرتی كشتوكاڵە.
قوباد تاڵەبانی، جێگری سەرۆك وەزیرانی هەرێمی كوردستان رایگەیاند، یەکێک لە پێشینەی کارەکانمان بەرەوپێشبردنی کەرتی کشتوکاڵە تا ئەو ئاستەی ببێتە بەشێک لە داهات و سەرچاوەیەک بێت بۆ هەلیکار و باشکردنی ژیانی جوتیاران.
قوباد تاڵەبانی لە پۆستێكدا ئەوەشی خستەڕوو، “لەوبارەیەوە ئەمڕۆ لە هەولێر، بەئامادەبوونی وەزیری کشتوکاڵ و سەرچاوەکانی ئاو، لەگەڵ کونسوڵی گشتیی ئیمارات کۆبووینەوە و باسمان لە پەرەپێدانی کەرتی کشتوکاڵ و چۆنییەتی سوودوەرگرتن لە ئەزموونی ئەو وڵاتە کرد و وتمان؛ ئاسانکاری دەکەین بۆ وەبەرهێنەرانی ئەو وڵاتە بۆ ئەوەی لە کوردستان کاری وەبەرهێنان لە بوارەکانی کشتوکاڵ، ئاسایشی خۆراک و سامانی ئاژەڵی ئەنجامبدەن”.
