جەلال شێخ ناجی سەرۆکی ئاژانسی پاراستن و زانیاری / زانیاری پێشوازی لە وەفدێکی هێزە تایبەتەکانی ئەمریکا لە هەرێم کرد، جەختیکردەوە کە پەیوەندییەکانیان لەگەڵ هێزەکانی هاوپەیمانان و ئەمریکا بەردەوام دەبێت و بەهێزتری دەکەن.
لەدیدارەکەدا دواپەرەسەندنە ئەمنی و سەربازییەکان و هەماهەنگییە هەواڵگرییەکان لەنێوان هەردوولا و هێزە عیراقییەکان گفتوگۆی لەبارەوەکراو جەختکرایەوە لە پەرەپێدانی هاریکارییەکان لە پێناو سەقامگیریی ئەمنی و پاراستنی بەرژەوەندییە باڵاکان .
جەلال شێخ ناجی ، هەماهەنگی نێوان هێزە ئەمنییەکانی هەرێم و بەغدا و هێزەکانی هاوپەیمانان بە تایبەت ئەمریکای بە هەنگاوێکی ئەرێنی وەسفکرد بۆ سەرخستنی هەوڵەکان لەپێناو ئارامی و ئاسایشی زیاتر و رایگەیاند، دەرئەنجامی ئەم هاریکارییە چەندین ئۆپەراسیۆن و کردەی ئەمنی و سەربازی بەرهەمدار ئەنجامدراون و کاریگەرییان لەسەر دۆخی ئاسایش هەبووە کە بەدڵنییاوە ئەم پەیوەندییە بەردەوام دەبێت و بەهێزتری دەکەین .
لەبەرامبەردا فەرماندەی تیمی هێزە تایبەتەکانی ئەمریکا بەردەوامی پشتیوانییەکانیانی بۆ پێدانی راوێژ و پێشخستنی توانا هەواڵگرییەکانی هەرێم دووپاتکردەوە .
