قائیمقامی قەزای پێنجوێن رایدەگەیەنێت، پاشنیوەڕۆى ئەمڕۆ رێگەی نێوان قەزاکە و شاری سلێمانی؛ کە بەهۆی بەفرەوە داخرابوو، کرایەوە و هاتوچۆ ئاساییبووەوە.
هێمن ئیبراهیم، قایمقامى قەزای پێنجوێن بە تۆڕی میدیایی ئێستای راگەیاند، دوای ئەوەی پێشنیوەڕۆى ئەمڕۆ بەهۆى زۆریى بەفربارینەوە رێگەى پێنجوێن – سلێمانى داخرا، پاشنیوەڕۆ رێگەکە بە رووی شۆفێراندا کرایەوە.
وتیشى، لەبەر سەلامەتیی شۆفێران، خۆمان رێگەکەمان داخست، ئێستا تیمەکان رێگەکەیان پاککردووەتەوە، خوێڕێژکراوە و هاتوچۆ پیایدا ئاسایی کراوەتەوە.
