شارەوانیی سلێمانی بڕیاریداوە بە بە فرۆشتنی پارچە زەوی زیاتر لە 4.5 ملیار دینار بۆ پرۆژە خزمەتگوزارییەكان دابینبكات.
ئەو بڕیارەی سەرۆكایەتیی شارەوانیی سلێمانی رەزامەندیی وەزارەتی شارەوانی و گەشتوگوزاری بۆ وەرگیراوە، وەك ئەوەی ئەمڕۆ وەزارەتەكە ئاشكرایكرد.
ئەوەشی خستەڕوو، بڕی پارەكە بریتییە لە (4،644،637،500) چوار ملیار و شەش سەد و چل و چوار ملیۆن و شەش سەد و سی و حەوت هەزار و پێنجسەد دینار و، لەسەر رێژەی 100%ی داهاتی فرۆشتنی زەویی شارەوانی لە سنووری سەرۆكایەتیی شارەوانیی سلێمانی بۆ جێبەجێكردنی 14 پرۆژەی جۆراوجۆری خزمەتگوزاری لە شاری سلێمانی دەبێت.
پرۆژەكان پێكهاتوون لە كردنەوەی شەقام، كۆنكرێتكردن و دروستكردن و درێژكردنەوەی تۆڕی ئاوەڕۆ، گەیاندنی خزمەتگوزاری، قیرتاوكردنی شەقامەكان، دابینكردنی قیری شل و سووتەمەنی بۆ كارگەی قیری تانجەڕۆ و چەند بوارێكی دیكەی خزمەتگوزاری.
