وتەبێژی یەكێتیی خانەنشینانی هەرێم رایدەگەیەنێت، تاوەكو ئێستا هیچ بڕیارێك نەدراوە بۆ خەرجكردنی ئەو مینحە 100 هەزار دینارەی بڕیاربوو بۆ مووچەی خانەنشینانی هەرێم بگەڕێندرێتەوە و دەشڵێت، “بۆ خەرجكردنی ئەو بڕە پارەیە محەمەد شیاع سودانی سەرۆك وەزیرانی عێراق بڕیاری لەسەر دەدات”.
سادق عوسمان، وتەبێژی یەكێتیی خانەنشینانی كوردستان لە لێدوانێكدا بە تۆڕی میدیایی ئێستای راگەیاند، تاوەكو ئێستا هیچ بڕیارێك نەدراوە بۆ ئەو مینحە 100 هەزار دینارەی كە بۆ خانەنشینان بگەڕێندرێتەوە و خەرجكردنی ئەو بڕە پارەیە پێویستی بە بڕیار و رەزامەندیی سەرۆك وەزیرانی عێراقە.
راشیگەیاند، بۆ خەرجكردنی ئەو بڕە پارەیە بۆ خانەنشینانی هەرێم هاوشێوەی عێراق پێویستە بڕیارێك بە جیا بۆ مووچەی خانەنشینانی هەرێم لەلایەن محەمەد شیاع سودانی بدرێت تاوەكو هاوشێوەی خانەنشینانی عێراق ئەو 100 هەزار دینارە بۆ خانەنشینانی هەرێم خەرجبكرێت.
