بەپێی زانیارییەکانی هوگۆ سێرێزۆی ڕۆژنامەنووس لە تۆڕی “ڕیلێڤۆ”، مارکۆ ئاسینسیۆ لە هاوینی 2023 گرێبەستەکەی کۆتاییدێت و بڕیاریداوە لە ڕیاڵ مەدرید بەردەوام نەبێت.
سەرچاوەکە هۆکاری ئەم بڕیارەی یاریزانە ئیسپانییەکەی بۆ ئەم خاڵانەی خوارەوە گەڕاندووەتەوە:
یەکەم: پێگەی یاریکردنی هێرشبەری پشت هێرشبەری بەلاوە پەسەندە، چیتر نایەوێت لە باڵەکاندا یاریبکات.
دووەم: پێیوایە شایستەی پێکهاتەی سەرەکییە، نەک کورسی یەدەگ.
سێیەم: دڵخۆش نییە بەو کاتە کەمەی کارلۆ ئەنچیلۆتیی ڕاهێنەری ڕیاڵ مەدرید بۆی تەرخانکردووە.
چوارەم: دەیەوێت لە یانەیەکی دیکە هەست بە بەختەوەری بکات.
پێنجەم: زیاتر یاریکردنی هۆکار دەبێت بۆ بەشداریکردنی لە یورۆی 2024، ئەو چانسەش لە ڕیاڵ مەدرید ئاستەمە و لە یانەیەکی دیکە مسۆگەرە.
ئاسینسیۆ تەمەنی 25 ساڵە و نرخی گواستنەوەی (25.5) ملیۆن یورۆیە، بەڵام بەهۆی کۆتاییهاتنی گرێبەستەکەیەوە لە هاوینی 2024 بێبەرامبەر دەتوانێت ڕوو لە هەر یانەیەکی دیکە بکات.
