سەرۆكی فراكسیۆنی یەكێتی لە ئەنجومەنی نوێنەرانی عێراق رایدەگەیەنێت، بە هەوڵی یەكێتی بڕگەیەك لە پڕۆژەیاسای بودجە جێگیركرا كە مانگانە 10%ی پاشەكەوتی مووچە بگەڕێندرێتەوە و دەشڵێت، “كار بۆ ئەوەدەكرێت كە ئەو بڕگەیە دەنگدانی لەسەر بكرێت و تێپەڕێندرێت”.
هەرێم كەمال ئاغا سەرۆكی فراكسیۆنی یەكێتیی نیشتمانیی كوردستان لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، یەكێتیی نیشتمانیی كوردستان وەك هەمیشە لە خەمی خەڵك و هاوڵاتییانی هەرێمدایە و هەروەك چۆن بەڵێنیدابوو كە پرسی بودجە، مووچە و داكۆكیكردن لە قووتی هاوڵاتییان پێشینەی كار و ئەركەكانی بێت لە بەغداد و ئەنجومەنی نوێنەران.
راشیگەیاند، بە هەوڵی یەكێتی بڕگەیەك جێگیركرا كە مانگانە 10%ی پاشەكەوتی مووچە بگەڕێندرێتەوە و كار بۆ ئەوە دەكرێت ئەو بڕگەیە دەنگدانی لەسەر بكرێت و هەموو هەوڵێكمان بۆ ئەوەیە مووچەی فەرمانبەران و خانەنشینانی هەرێم، مافی پارێزگاكانی هەرێمی لە بودجەی بەگەڕخستن و وەبەرهێنان، گەشەپێدانی هەرێمەكان و لەگەڵ گەڕاندنەوەی پاشەكەوتی مووچەی فەرمانبەرانی هەرێم بە رێژەی 10 %ی مانگانە لە پڕۆژەیاسای بودجەی ساڵەكانی 2023، 2024 و 2025 دا.
