بەڕێوەبەرایەتیی ئاسایشی راپەڕین لە هەڵمەتێكدا دەستیگرت بەسەر بڕی 18.000 دۆلاری ساختەدا.
بەپێی راگەیەندراوێكی دەزگای ئاسایشی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای دەستكەوتنی زانیاریب ورد لەسەر باندێكی ساغكردنەوەی دراوی ساختە هێزەكانی ئاسایشی راپەڕین لە 10ی 5ی 2023دا دوو تۆمەتباریان دەستگیركرد كە دانیشتووی هەرێمی كوردستانن ، هەروەها دەستیانگرت بەسەر بڕی 18.000 دۆلاری ئەمریكی ساختەدا كە مەبەستیان بووە لەناو هەرێمی كوردستان ساغیبكەنەوە.
لە راگەیەندراوەكەدا هاتووە، لەكاتی دەستگیركردنیان دەستگیراوە بەسەر بڕێك ماددەی هۆشبەر و چەكێكی جۆری دەمانچەی بێمۆڵەت، بە فەرمانی دادوەری لێكۆڵینەوەی ئاسایش تۆمەتباران بە ماددەی 281 لە یاسای سزادانی عێراقی راگیراون و لێكۆڵینەوە لە دۆسیەكانیان بەردەوامە.
