لە سنووری قەزای بەردەڕەش حەوت كەس بە تۆمەتی ساختەكردنی برنج دەستگیركران كە لە كۆگاكاندا برنجی بایەعییان دەكردە كیسەی برنجی تایلاندی و بە گران دەیانفرۆشت.
بۆتان شەمسەدین وتەبێژی قائیمقامیەتی قەزای بەردەڕەش لە لێدوانێكدا بە تۆڕی میدیایی ئێستای راگەیاند، “لە سنووری ناحیەی رۆڤیا لەلایەن هێزەكانی ئاسایش و لیژنە هاوبەشەكانی قائیمقامیەت حەوت كەس دەستگیركران كە لە كۆگایەكدا برنجی بەشە خۆراكی مانگانەیان دەكردە ناو كیسی تایلەندی و بۆ ئەوەی دواتر بە گرانتر لە بازاڕدا بیفرۆشنەوە”.
ئاماژەی بەوەشكرد، “ئەو كەسانەی دەستگیركراون دراون بە دادگا و رووبەڕووی رێكاری یاسایی دەكرێنەوە و خاوەنی كۆگاكەش سزای ماددیی و یاسایی دەدرێت بەهۆی ئەوەی ئەمە یەكەمینجار نییە ئەو كارەی ئەنجامدابێت”.
