بڕیارە سبەی زانكۆی سلێمانی فێستیڤاڵی ساڵانە ئەنجامبدات و تیایدا چەندین چالاكی جۆراوجۆر بەڕێوەدەچن.
زانكۆی سلێمانی رایگەیاند، فێستیڤاڵەکە سبەینێ پێنجشەممە کاتژمێر 10ی پێش نیوەڕۆ لەناو كەمپی نوێی زانكۆ دەستپێدەكات و تا كاتژمێر 7ی ئێوارە بەردەوام دەبێت.
لەمیانەیدا چەندین پڕۆژە و چالاکیی خوێندکارانی کۆلێجەکانی زانکۆی سلێمانی و گەنجانی بەهرەمەند لە بوارەکانی (پزیشکی، یاسایی، ئەندازیاری، وەرزشی، کشتوکاڵی، هونەری، میدیایی و زانستی) نمایش دەكرێن.
سەرۆكایەتیی زانكۆ بڵاویكردووەتەوە، هاتن بۆ هەمووانە و خوێندکاران، کەسوکار و میوانان دەتوانن سەردانبكەن.
