ئەندامێكی لیژنەی دارایی لە ئەنجومەنی نوێنەرانی عێراق رایدەگەیەنێت، دەستەی سەرۆكایەتیی پەرلەمان بڕیار لەسەر كاتی دەنگدان لە پڕۆژەیاسای بودجە دەدات و دەشڵێت، “ئەمشەو گفتوگۆ لەسەر ئەو بڕگە و ماددانەی پڕۆژەیاسای بودجە دەكرێت كە تایبەت بە هەرێمی كوردستان”.
جەمال كۆچەر، ئەندامی لیژنەی دارایی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، ئەمڕۆ و سبەی لە لیژنەی دارایی پڕۆژەیاسای بودجە ئامادەدەكرێت و دەخرێتە بەردەم دەستەی سەرۆكایەتیی پەرلەمان بۆ دەنگدان.
ئاشكراشیكرد، “ئەمشەو لە لیژنەكەمان گفتوگۆ لەسەر ئەو بڕگە و ماددانە دەكرێت كە تایبەتە بە هەرێمی كوردستان و هەموو هەوڵێك دەدەین كە لە بەرژەوەندیی هەرێمی كوردستاندا یەكلابكرێتەوە”.
