ژمارەیەك ئۆتۆمبێلی تۆیۆتا كراون ناسراو بە “مەلیكە” دەستیان بەسەردا گیرا و لایەنی پەیوەندیدار دەڵێت، “نا یاسایین”.
بەپێی راگەیەندراوێكی دەستەی دەروازە سنوورییەكان، لە بەندەری ئوم قەسڕ لە باشووری عێراق، دەستگیراوە بەسەر چوار كۆنتێنەردا كە بە شێوەی نایاسایی دەرمان و ئۆتۆمبێلیان باركردبوو بە مەبەستی ساغكردنەوەیان لە ناوخۆدا.
لەبارەی ئۆتۆمبێلەكانەوە راگەیەندراوەكە ئاشكرایكردووە، ئۆتۆمبێلەكان لە سەقفەوە بڕدرابوونەوە بۆ ئەوەی بە شێوەی پارچە و بە نایاسایی بهێنرێنە ناو عێراق، بۆیە دەستیان بەسەردا گیراوە و رێكاری یاسایی بەرامبەر بە سەرپێچیكاران دەگیرێتەبەر.
