هەواڵگریی سەربازی دەستگیركردنی “دەستدرێژیكاری سەر منداڵان” لە بۆسەیەكدا لە كەركوك رادەگەیەنێت.
بەڕێوەبەرایەتیی هەواڵگریی سەربازی رایگەیاند، پشتبەست بە زانیاریی هەواڵگریی ورد و پاش گەیاندنی سكاڵای دانیشتووانی ناحیەی مولتەقا بە فیرقەی هەشتی سەر بە بەڕێوەبەرایەتییەكەیان، بۆسەیەكی گونجاو لە ناوچەی گوندی ئۆبیتر دانرا.
بۆسەكە بووەهۆی دەستگیركردنی تۆمەتبارێك بە “سەرنجڕاكێشان و رفاندنی منداڵان و دەستدرێژیكردنەسەریان” لە ناحیەی مولتەقای سەر بە پارێزگای كەركوك.
بەپێی راگەیەندراوەكە تۆمەتبار رادەستی لایەنە پەیوەندیدارەكان كراوە.
