بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازیكرد لە جەلال شێخ ناجی، سەرۆكی ئاژانسی پاراستن و زانیاری/ زانیاری و لیوا روكن عومەر ساڵح، سەرۆكی ئەركانی هێزەكانی 70 و وەهاب هەڵەبجەیی، بەڕێوەبەری گشتیی دژەتیرۆر و خالید ماوەتی، بەڕێوەبەری ئاسایشی پارێزگای سلێمانی و دیار عومەر، جێگری فەرماندەی فەرماندەیی كۆماندۆی كوردستان و ژمارەیەك لە ئەفسەرانی دژەتیرۆر و ئاسایش و هێزەكانی كۆماندۆ.
لە دیدارەكەدا ئامادەبووان وێڕای هەواڵپرسی و بەخێرهاتنەوەی سەرۆك بافڵ، هیوای چاكبوونەوە و سەلامەتییان بۆ خواست لە بەرامبەر ئەو چارەسەرە پزیشكییەی لە ماوەی رابردوودا وەریگرتووە.
لەبەرامبەردا سەرۆك بافڵ ستایشی هێزە ئەمنییەكانی كرد كە ماندوونەناسانە لە خەمی پاراستنی ئارامیی هاوڵاتییان و سەقامگیریی هەرێمەكەماندان.
