سەندیکای رۆژنامەنووسانی کوردستان ئاگاداری ئەو رۆژنامەنووسانە دەکاتەوە بەبێ ئاگادارکردنەوە بوونەتە ئەندام لە سەندیکای رۆژنامەنووسانی عێراق بە زووترین کات لە سەندیکاکەیان دەستلەکاربکێشنەوە.
بەپێی نووسراوێکی سەندیکای رۆژنامەنووسانی کوردستان کە وێنەیەکی دەست تۆڕی میدیایی ئێستا کەوتووە، “لەبەرئەوەی ناکرێت رۆژنامەنووس لەیەک کاتدا ئەندامی دوو سەندیکای پیشەیی هاوشێوە بێت، بۆیە هەر رۆژنامەنووسێک ئەندامی سەندیکای رۆژنامەنووسانی کوردستانە و لەهەمان کاتدا بەبێ ئاگادارکردنەوەمان بووەتە ئەندام لە سەندیکای رۆژنامەنووسانی عێراق لە ماوەی 10 رۆژدا ئاگادارمان بکاتەوە یان دەستلەکارکێشانەوەی پێشکەش بکات”.
ئاشکراشیکردووە، “لەو بەروارەی دیاریکراوە، هەر ئەندامێک لە هەر پلەیەکدا بێت ئاگادارمان نەکاتەوە، ناوی لە تۆماری گشتیی سەندیکا دەسڕدرێتەوە”.
