ئێوارەی ئەمڕۆ لە كاتی داخستنی بازاڕی دراودا لە شاری هەولێر بەهای دۆلار بەرامبەر دینار دابەزی.
بەیانی ئەمڕۆ بەهای 100 دۆلار گەیشتە 147 هەزار دینار و دوای ئەوەی بانكی ناوەندیی عێراق زیاتر لە 210 ملیۆن دۆلاری خستە بازاڕەوە بەهای دۆلار دابەزینی بەخۆوە بینی.
هەرچەندە حكومەتی عێراق و بانكی ناوەندیی عێراق چەند رێوشوێنێكیان بۆ دابەزاندنی بەهای دۆلار گرتووەتەبەر، بەڵام ماوەی چەند رۆژێكە بەهای دۆلار بەرزبوونەوەی بەخۆوە بینیوە.
