ئەمڕۆ موحەرەم ئینجە خۆی لە کاندیدبوون بۆ پۆستی سەرۆک کۆماری تورکیا کشاندەوە.
میدیاکانی تورکیا بڵاویانکردەو، ئەمڕۆ پێنجشەممە موحەرەم ئینجە کاندیدی پارتی مەملەکەت لە خۆکاندیدکردنی بۆ پۆستی سەرۆک کۆماری تورکیا کشاوەتەوە.
بڕیارەکەی ئینجە لەدوای ئەو فشارانەوە دێت کە لە ئەندامانی حزبەکەی و کەسایەتییە نزیکەکانەوە لێیکرا بۆ کشانەوە لە هەڵبژاردنەکانی تورکیا.
بڕیارە 14 ی ئەم مانگە هەڵبژاردنە سەرۆکایەتییەکەی تورکیا ئەنجامبدرێت، لە ئێستا رکابەری سەرەکی بۆ وەرگرتنی پۆستی سەرۆک کۆماری تورکیا لەنێوان هەریەکە لە رەجەب تەیب ئەردۆگان کاندیدی هاوپەیمانیی کۆماری و کەمال کڵچدارئۆغڵو، کاندیدی سەرۆکایەتی هاوپەیمانی نەتەوەییدایە.
