پۆلیسی هەڵەبجە دەڵێت، ئێسکوپروسکی ژنێك لە سنووری ناحیەی بیارە دۆزراوەتەوە و مێژووی گیانلەدەستدانی ژنەكە ئاشكرادەكات.
موقەدەم بەرزان عوسمان وتەبێژی بەڕێوەبەرایەتیی پۆلیسی پارێزگای هەڵەبجە رایگەیاند، “هەواڵدەرێک بنکەی پۆلیسی بیارەی ئاگادارکردەوە کە ئێسکوپروسکی مرۆڤێک لە رەگەزی مێینە، لە سنووری زەوییەکەیدا لە ناحیەی بیارە دەرکەوتووە، لەلایەن مەفرەزەی بنکەی پۆلیسی بیارە بە هاوکاریی بەڕێوەبەرایەتیی گشتیی شەهیدانی هەڵەبجە و پزیشکیی دادیی هەڵەبجە، ئێسکوپروسکەکە هەڵگیرایەوە و رەوانەی پزیشکیی دادیی هەڵەبجە کرا”.
لە لێدوانێكدا بۆ رۆژنامەنووسان موقەدەم بەرزان عوسمان وتیشی، “بەپێی لێکۆڵینەوەکان، مێژووی ئێسکوپروسکەكە دەگەڕێتەوە بۆ کاتی کۆڕەوی هاوڵاتییانی هەرێمی کوردستان بۆ ئێران لە ساڵی 1991ـدا”.
وتەبێژی بەڕێوەبەرایەتیی پۆلیسی پارێزگای هەڵەبجە، جەختدەكاتەوە كە دۆسیەی لێکۆڵینەوە بۆ ئەو پرسە لە بنکەی پۆلیسی بیارە رێکخراوە.
