محەمەد شیاع سودانی سەرۆك وەزیرانی عێراق دەڵێت، “لە ماوەی سێ بۆ پێنج ساڵی داهاتوودا غازی سروشتی هەناردەی دەرەوە دەكەین”.
“غاز بەشی خۆمان بەرهەمدەهێنین و ئەوەی دەمێنێتەوە هەناردەی وڵاتانی دەكەین”، ئەمە بەشێك بوو لە ناوەڕۆكی لێدوانەكەی ئەمڕۆی محەمەد شیاع سودانی سەرۆك وەزیران بۆ میدیای عێراقی.
سەرۆك وەزیرانی عێراق وتیشی، “گەڕی پێنجەمی مۆڵەتدان بە كۆمپانیاكان بۆ گەڕان بەدوای غازی سروشتیدا لە عێراق و پڕۆژەكانی تۆتاڵ و گەڕی شەشەم، عێراق دەگەیەنن بەو دۆخەی لە ماوەی سێ بۆ پێنج ساڵی داهاتوودا، لە پێداویستیی غازی سروشتیدا پشت بە خۆی ببەستێت و هەناردەی دەرەوەشی بكات”.
