یانەی بایرن میونشن لە مێرکاتۆی هاوینی 2023 گرێبەست لەگەڵ هێرشبەرێکی سەرەڕمدا واژۆ دەکات، بۆ ئەو مەبەستەش ناوی سێ یاریزانیان دەستنیشانکردووە.
ڕۆژنامەی “بێلد سپۆرت” جەختی لەوە کردووەتەوە، کە بایرن میونشن دەستبەرداری خەونی کڕینی هاری کەین بووە دوای ئەوەی زانیویانە نایەوێت لە تۆتنهام بڕوات، هەروەها هەوڵەکانیشیان بۆ کڕینی دوشان ڤلاهۆڤیچ (یوڤانتۆس)، نیکلاس فۆلکرۆگ (بریمەن) وەستاندووە.
لەئێستادا تەنها سێ هێرشبەر داواکراوی یانە باڤارییەکەن، بریتین لە، ڤیکتۆر ئۆسیمین (ناپۆلی)، ڕاسموس هۆیلوند (ئاتالانتا)، ڕاندال کۆلۆ موانی (فرانکفۆرت).
