بەرەبەیانی ئەمڕۆ 18ی کانونی یەکەم، پۆلیسی هەڵەبجە ئاگادار کراونەتەوە لە بوونی دوو تەرم لە ماڵێکدا لە گەڕەگی شارەوانی شاری هەڵەبجە.
بەپێی زانیارییە سەرەتاییەکان کە تۆڕی میدیایی ئێستا لە شاری هەڵەبجە و پۆلیسی ئەو شارەوە دەستی کەوتووە، ڕوداوەکە کوشتن بووە و ئەو دوو کەسەی کە کوژراون خزمی یەکترن، واتە کوژراوەکان “خاڵ و خوشکەزای یەکترن”.
بەهۆی تازەی ڕوداوەکەوە تا ئێستا پۆلیس وردەکاری ڕوداوەکەی نەخستووەتەڕوو و تەرمەکانیش ڕەوانەی پزیشکی داداوەری کراون تا هۆکار و شێوازی کوشتەنەکان ئاشکرا بکرێن.
چاوەڕێ دەکرێت پۆلیسی هەڵەبجە ئەمڕۆ وردەکاری ئەو ڕووداوە بۆ میدیاکان ئاشکرابکات.
