بەهۆی پێکدادانەکانی دوێنێی سودان ژمارەی کوژراو و بریندارەکان گەیشتووەتە 651 کەس کە کەسانی سڤیل و سەربازیشیان تێدایە.
لیژنەی تەندروستیی سودان رایگەیاندووە، تا ئێستا ئەوەی بە فەرمی تۆمارکراوە 56 کەس گیانیان لەدەستداوە و 595 کەسیش برینداربوون کە دەیان کەسیان باری تەندروستییان ناجێگیرە.
تەندروستیی سودان ئاماژەی بەوەشکردووە، ئەگەری هەیە ژمارەیەکی زۆری دیکەی کوژراو و بریندار هەبن کە دەستیان نەگەیشتووە بە نەخۆشخانەکان بەهۆی پێکدادان و ئاڵۆزییەکانەوە.
دوێنێ شەممە پێكدادان لەنێوان هێزەكانی سوپای سودان و هێزەكانی پاڵپشتیی خێرا دەستپێكرد و تا ئێستا ئاڵۆزییەکان بەردەوامییان هەیە.
