چوار كەس بە تۆمەتی رێگری و دەستدرێژی بەزۆر بۆسەر ژنان لە هەولێر لەلایەن پۆلیسی شارەكەوە دەستگیركران.
بەڕێوەبەرایەتیی پۆلیسی پارێزگای هەولێر رایگەیاند، ئەمڕۆ هێزەكانی بنكەی پۆلیسی حەدیاب-ی سەر بە بەشی پۆلیسی عەنكاوە چوار تۆمەتباریان بە ناوەكانی (س. س. خ.)، (ه. ا. ا.)، (د. ا. م.) و (م. ك. ا.) دەستگیركران.
تۆمەتباران “ھەڵدەستان بە ئەنجامدانی رێگریکردن و بە زۆر دەستدرێژیان دەکردەسەر ئافرەتان”، وەك ئەوەی پۆلیسی هەولێر ئاماژەی پێداوە.
دەشڵێت، دوای بەدواداچوونێکی زۆری ھێزەکانمان، ئەمڕۆ رادەستی دادگا کران، بەپێی مادەکانی (452، 393 و 413) لە یاسای سزادان کە زیاتر لە شەش تاوانی لەم شێوەیەیان ئەنجامداوە.
