سەرۆكی یەكێتی لە پەیامێكدا هاوخەمی بۆ كۆچی دوایی (كامیل ژیر) دەردەبڕێت و رایدەگەیەنێت، رۆڵ و پێگەی لە رووداوە سیاسی و رۆشنبیرییەكاندا لەیادەوەریماندا دەمێنێتەوە.
دەقی پەیامەكە:
بەڕێزان کەسوکار و خانەوادەی مامۆستا کامیل ژیر
بەداخێكی زۆرەوە هەواڵی کۆچی دوایی کامیل ژیر، نووسەر و سیاسەتمەداری کوردمان پێگەیشت.
بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی ئێوە و خانەوادە تێکۆشەرەکەتان دەکەم و هاوبەشی خەمتانم.
مامۆستا كامیل ژیر سیاسەتمەدارێكی دیار و نووسەرێكی بە ئەزموون و لێهاتووی گەلەكەمان بوو، رۆڵ و پێگەی لە رووداوە سیاسی و رۆشنبیرییەكاندا لەیادەوەریماندا دەمێنێتەوە و بە رێزەوە یادی دەكەینەوە.
خوای گەورە بە بەهەشتی بەرینی شادبكات و سەبووری بەهەموولایەك ببەخشێت.
دڵسۆزتان
بافڵ جەلال تاڵەبانی
سەرۆکی یەکێتیی نیشتمانیی کوردستان
