وەهاب هەڵەبجەیی لە پەیامێکدا لەبارەی هێرشەکەی سەر فڕۆکەخانەی نێودەوڵەتیی سلێمانی رایگەیاندووە، “سلێمانی باجی نیشتمانپەروەرییەکەی دەدات و ئەوە مەدالیای شەرەفە لە ئێخەی دەکەین”.
لە پەیامەکەی وەهاب هەڵەبجەییدا هاتووە، “سلێمانی دار و موڵکی بابانە، نە مەحکوومی عەجەم و نە سوخرەکێشی ئالی عوسمان بووە”.
دەڵێت، سلێمانی باجی نیشیمان پەروەرییەکەی دەدات.
وەهاب هەڵەبجەیی باس لەوەدەکات، “هێرشکردنە سەر سلێمانی بەهۆی هەڵوێستە نیشتیمانییەکانییەوە شتێکە نەک خۆمانی لێ ناشارینەوە، بەڵکو مەدالیای شەرەفە و لە ئێخەی ئەکەین”.
وتەیەکی سەرۆک مام جەلال دەهێنێتەوە و دەڵێت، هەروەک چۆن سەرۆک مام جەلال دەیفەرموو “یارمەتیدانی پارچەکانی دیکەی کوردستان، تۆمەتێکە رەتیناکەینەوە و شەرەفێکە بانگەشەی بۆ ناکەین”.
